Kumuha ako ng yellow pad

Isang buong dahon

Mariing pinag-isipan ang gagawin

Eroplano?

Di sasayaw sa hangin—sayang

Swan?

Di ako marunong—huwag na lang

Goro?

Di naman kasya sa’kin—ayoko nga

Nakakita ako ng hose

Hindi pala iyong ang nakita ko

Iyong likidong dumadaloy dito

Nagpatintero na ang mga neuron  ko

Ayos!

Alam ko na—

Ipinantay ko ang dahon sa gitna, crosswise ba ga

Itinupi ko nang panalubong ang dalawang gilid—mukhang bahay

Itinupi ang dalawang dulong baba nang panalubong—goro na

Pero nagpatuloy ako

Ayoko noon…

Itinupi ko pa—nagdiamond na

Sayang, di maibebenta

Tupi ulit—mukhang super lolo

Wala nga lang pulbura

Kapagkaraka’y natumbok ko

Lumabas na ko—

Inaanod na ang papel

Kaso mabilis lumubog

May sprinkler na pala

Kanina, hose pa lamang

Naiinis akong pumasok

Pero di nagpatinag

Kumuha ako nang tatlong piraso nang PDI

Pinagpatong-patong

Inulit ko ang proseso—

Tupi, tupi, tupi

At tupi pa

Lumabas na ulit ako

Naka- tatlumpong segundo nga

Ngunit, nasira pa rin

Wala nang sprinkler,

Pero kalikasan ang pumatol

Bumuhos na nang tuluyan

Tumingala na lamang ako

Mali ang tiyempo.

Kasalanan ko

Gagawa ulit ako noon—

Sa tmaang pagkakataon

Sa tamang pagkakaaton

Sa tamang pagkakatano

Sa tamang pagkakataon

Sa ngayon,

Hahayaan ko na lamang muna akong mabasa

Mabasa ng basang basa

Maya-maya,

Magsa-sun dance ako

At gagawa

Nang bangka.

Este, nang barko…

Advertisements