how-to-block-stalkers-on-facebook-3

Isa na siguro sa pinakamasama at hindi nakakatuwang pakiramdam sa mundo ay ang ma-block sa Facebook ng (mga) taong importante sa buhay mo.

‘Yon bang dati, halos araw araw niyong alam kung ano ang ginagawa ng isa’t isa, ngayon nakikibalita ka na lang sa iba kung kamusta na nga ba siya. Dati, palagi kayo ang sangang dikit at napagkakamalang magkapatid (at halos magkapalit na raw kayo ng mukha), ngayon sukdulan kung mag-iwasan. Dati, kasiyahan man o kalungkutan walang humpay ang damayan, ngayon kaniya kaniya na. Wapakelz mode na ba ga sa isa’t isa. Yon bang dati, super close kayo …. pero ngayon, umi-is-strangers lang ang peg. … na parang wala kayong pinagsamahan. At siguro dahil sa sukdulan na’t nasagad na ang galit / inis / tampo niya sa’yo, dumating na sa point na kailangan ka na niyang i-block sa FB kasi ayaw na niyang makita pa pagmumukha mo.

Well, kung bakit dumating sa pagbablock? Malamang kasalanan mo. Kasi hindi ka naman niya iba-block (lalo na kung super close kayo) ng walang dahilan. Malamang sa malamang niyan, nasaktan mo siya (kahit sabihin mong hindi mo iyon sinasadya). Pero ang nasaktan ay nasaktan pa rin sinadya mo man ito o hindi. And that hurts had triggered the person to block you. Siguro kasi ayaw na niya na may makita pang updates sa’yo lalo na kung active user ka ng FB. Isa ‘yon sa mga paraan niya para hindi na siya mas masaktan pa.

Kung bakit ba siya nasasaktan (or mas tama yata ang term na mas masasaktan)? Eh bakit nga ba nasasaktan ang isang tao? Simple lang — kasi nag-expect siya na ganto ka or ganiyan kayo, tapos ano? Nga nga siya ngayon. Maaaring nasasaktan siya kasi siya yong andiyan para sa’yo through thick and thin pero naging mas masaya ka sa iba. ‘Yon bang qualify na silang magsabi ng lines na, “I have enough or I deserve someone better than you.” ‘Yon bang feeling niya, ipinagpalit mo siya. Ayon, ganoon. Basta. Ang hirap i-explain eh. Haha. ‘Yon an ‘yon.

Tingin ko, blinock ka niya kasi baka habang nakikita niya ang wall mo na puno ng post sa pagka-super duper happy memories mo sa iba (tapos 1,000 likes at 500 comments pa) samantalang siya ang pakiramdam eh naging ichupera siya sa buhay mo…nang paulit ulit…kasi masaya ka na sa iba. Dito papasok sa isip niya kung talaga nga bang pinahalagahan mo ba siya or what.

Hindi mo naman talaga siya slash sila masisisi eh. Kasi malay mo, ikaw lang talaga ‘yong napakahirap intindihin. At dahil doon, napagod na siya sa’yo. Ayon, na-block ka tuloy.

Ganoon nga yata talaga — darating talaga ‘yong time na kapag may pinili ka, may (mga) mawawala sa’yo.  Na (e.g) kapag nagka-boypren ka, may mga friends na tututol doon. BF vs friends. Mahirap na laban. Ito yong laban na ayaw mong may ma-agrabyado. Sabi nga ni JLC, ”
sa bawat isa kasing pinipili, may isang libong bagay kang tinatanggihan.” Sana nga lang yong pinili mo ay higit pa sa ilang libong bagay na tinanggihan mo.

Huwag ka mag-alala. Kapag okay na sila emotionally at na-realize nilang alang alang sa pinagsamahan niyo before i-a-unblock ka na rin nila. But of course, that would take time … maybe after months or years. Hindi ko masasabi. Depende siguro sa phasing ng buhay nila. Oo, hindi na magiging tulad kayo dati. Kasi nagkalamat na eh. Pero at least, isipin mo na everything would be fine …. eventually. Bit by bit. One step at a time. Malay mo, nag-aadjust pa lang sila ngayon sa’yo.

PS: Namimiss na kita. SRSLY. 😦

Advertisements